وش نشوف نتفلكس

بيانات أفلام Netflix – وش نشوف؟

تخيل أنه في يوم طبيعي جدًا.. وبين أصدقائك الطبيعيين جدًا..
رن جوالك… تشوف رقم غريب..
ترد عليه وأنت متردد شوي.. ألو؟

"هلااا.. معك هنقر أنا عند الباب"
- مندوب هنقرستيشن


وش تسوي؟ لكم نص ساعة تتناقشون وش الفلم اللي بتشغلونه إذا الأكل وصل….

مشروع Netflix

التغريدة العميقة

زي ماقالت الاخت نورا القاضي في تغريدة لها، “من رحم الأزمات تولد الفرص!”
وأيضًا بما إني كنت فاضي شوي وقتها.. قررت اشوفلي طريقة أقدر اعرف الأفلام الزينة بنتفلكس وأختار منها بسرعة.

الفكرة

بكل بساطة، كنت أحتاج أقدر أختار فلم بسرعة.. وهذا حسب تحليلي للـUnmet needs، يعتمد على ثلاث عوامل:

  • تقييم الفلم في IMDB
  • عدد المصوتين على الفلم
  • هل الفلم موجود في نتفلكس؟


حلو، مرحلة الإلهام خلصناها وباقي أشوف طريقة اجيب فيها البيانات، واعرضها بطريقة سهلة للإستخدام.. وكان واضح إن المعلومة الأخيرة هي أصعب شي! ولحسن حظي لقيت موقع رهيب يعلمك كل فلم وين يعرض بأي موقع؟ justwatch.com

واللي صار بإختصار

  1. حملت قاعدة بيانات الأفلام من هنا (رابط لملف تابلو)
  2. استخدمت بايثن + ربط مع API موقع JustWatch عشان أعرف كل فلم هل هو في نتفلكس ولالا؟ (JustWatch Github)
  3. نظفت قاعدة البيانات وفلترتها باللي موجود في نتفلكس
  4. استخدمت مكتبة Plotly على البايثن عشان أعرض البيانات بشكل تفاعلي ورفعتها على موقعهم
  5. تلقون البيانات تحت :=) جربوها

(ملفات المشروع كاملة على دروب بوكس)


أفلام نتفلكس (الأمريكي) حسب جودتها

“للمتصفحين من الجوال.. حرك بإصبعين عشان تشوف باقي البيانات”

Tags:
2 تعليقان
  • Rano
    كتبت في 02:02h, 14 مارس رد

    اتمنى اذا بالامكان مشاركتنا و تسجل فديو لطريقة التحليل كامله شكرا لك على هذا المجهود

  • muhammad
    كتبت في 12:35h, 15 مارس رد

    هو انا ليه شايفها احصائية عن فيروس كورونا

شاركنا رأيك في المقالة