الموسيقى ليست حلال.. ولا حرام؟!

السمع خدعة وحنجرتك محرمّة

– نابليون اتوقع

الموضوع هذا غريب شوي، وبيكون فيه الكثير من المعلومات العلميّة اللي فعلًا تخليك تتعجب من الحياة وتنبهر من الخالق عزّ وجل. اتمنى انه يكون شيّق لكم ايضًا.

ليه اخترت هذا العنوان وبصيغة سؤال؟ (نعم، سؤال أكثر من معلومة)

على الرغم أن الموضوع والبحث هذا عِلمي بشكل كبير وماله علاقه بأحكام دينية، الا إني اخترته لأن السبب الرئيسي لفكرة الموضوع كانت هوشة. وكانت بكل بساطة عن الموسيقى.. وعلى عكس العنوان.. ماكانت هل هي حرام أو حلال؟! شي ابسط بكثير. كانت الفكرة اللي طرحتها، وببالي لفترة طويلة وأبحث عن جواب لها: انه بغض النظر عن الحكم، حلال أو حرام (لأنه مهما كان، بالأخير نتّبعه)، ماهي الموسيقى؟! أو بصياغة أُخرى، هذا الشيء بتطلِق عليه حكم، وش هو؟ وش تعريفه؟! كيف تميّزه او تعرّفه لشخص مايعرف عنه أي شيء؟

بذور الفكرة..

الموسيقى بالنسبة للجميع.. هي الأصوات الصادرة من الآلة الموسيقية. لكن محد فكّر وش هي الآلة الموسيقية؟ هل جسمنا ممكن يكون آله موسيقية؟ هل علب الكولا ممكن تكون آلة موسيقية؟ وش يجعل الآلة الموسيقية تعتبر آلة موسيقية؟ هل لازم يكون الصوت “حلو” أو “موسيقي”؟ لكن هنا بيكون الموضوع حسب ذوق كل شخص! والبعض يقول انه على حسب الطرب.. لكن هذا أيضًا يعتمد على الذوق غير انه الأناشيد الهدف منها انها تكون جميلة وتُطرب أو أقلّها تحرّك المشاعر. واللي زاد الحيرة، أن الغرب نفسهم، مختصّين الموسيقى والآلات الصوتية، ماعندهم تعريف لها… ويقولون “من ناحية المبدأ، أي شيء يصدر صوت بالإمكان اعتباره آلة موسيقية.”

ليه تسأل؟

التساؤل هذا جا ببالي بعد انتشار الموسيقى البشرية، أو اللي باستخدام أدوات يومية.. مثل:

هل معقول هذي موسيقى؟ يعني لو انفخ بعلبة كولا ينطبق عليه كل شي عن الموسيقى؟ أو لأنها صوتها جميل حالة خاصة؟ طيب لو شخص انزعج من هالصوت ما أعجبه.. بالنسبه له يصير يسمع صوت ومب موسيقى؟ كان أمر جدًا عجيب ومحيّر..

مقدمة البحث

نطلع عن موضوع الموسيقى شوي.. لأنه كان لي مجرد تحفيز للموضوع. التساؤلات هذي الهمتني اني ابحث عن الأصوات، وكيف الانسان يسمع الصوت وليه فيه اصوات مختلفة كذا ؟!.. ماكنت بأدخل بهذا العمق، لكن سبحان الله الإنسان معقد بشكل. ويستاهل جدًا انكم تتعرفون عليه. الصفحة الجاية عن الصوت بالنسبة للإنسان (حنّا ☻) وآخر صفحة تكلمت عن الموسيقى وكيف صارت مثل ماهي الآن. أتمنى إن البحث البسيط بالصفحتين الجاية يعجبكم، وتبدأ تتعجب كل مرة تسمع شي يستحق السماع.

الصفحات: 1 2 3


أفكار القرّاء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *